Ерван Фуере поранешен амбасадор на ЕУ во Македонија се огласи со анализа за проширувањето на ЕУ со фокус на Македонија наменета за Центарот за европски полтички студии од Брисел, пренесе НОВА.
-Најновите случувања, како и неподготвеноста на владата да промовира дух на компромис, доведоа до натамошна ерозија на основните демократски вредности и стандарди во земјата, како и продлабочување на недовербата во веќе длабоко поделеното општество – вели Ерван Фуере во својата анализа.
Фуере развојот на политичката ситуација го анализра низ призма на инцидентите кои на 24-ти декември и кои, според него, се само кулминација на подолгорочното отсуство на политички дијалог во општеството.
-Присилното исфрлање не само на сите новинари, но исто така и на опозиционите пратеници од Собранието на 24 декември, беше трагичен потсетник за континуираниот неуспех на владата предводена од Груевски, да се вклучи во каков било значаен политички дијалог во текот на изминатите години – пишува Фуере.
Еден од позначајните проблеми според Фуере кои ја оневозможува демократизацијата и развојот е состојбата во сферата на слободата на медиумите. Повикувајќи се на заклучоците не меѓународните организации Фуере вели:
-Пораките од ЕУ, секогаш се искривени од страна на владино контролираните медиуми, додека некои од независните новинари кои не го прифаќаат тоа, се предмет на континуирано заплашување и малтретирање. Ова само по себе е шокантно обвинение за сегашната влада во Македонија – пишува Фуере во анализата посветена на проширувањето на ЕУ со фокус на Македонија.
Тој исто така се осврнува на договорт постигнат во март за надминување на политичката криза, а со посредство на комесарот Филе и европратеникот Ховит. Фуере не е оптимист дека овој договор ќе доведе до стабилизација на политичката сцена на подолг рок.
Анализата во целост прочитајте ја на НОВА.