Фрапантна е бруталноста и нечовечноста на Никола Груевски кој и по запрепастувачките бројки за зголемена смртност на новороденчиња во Македонија, го штити Никола Тодоров. Груевски и ВМРО-ДПМНЕ не признаваат ниту еден официјален податок, велат од СДСМ.
Најновата студија Смртност на новороденчиња во Република Македонија, направена токму поради згрозувачките тенденции покажува дека:
Смртноста на новороденчињата во Македонија е 14 на 1.000 живородени бебиња!
Во општините во Македонија каде што недостигаат гинеколози, умираат до 30 бебиња на 1.000 живородени!
Во Македонија умираат три пати повеќе новороденчиња од просекот на земјите од Балканот и ЕУ.
Во прилог е првата страница од студијата од 24 страници којашто открива морбидни бројки што Груевски и Тодоров сакаат да ги скријат.
И црната статистика на невладините органзиации во земјава покажува дека Македонија има највисока стапка во Европа на мртвородени бебиња и бебиња што починале до седмиот ден од раѓањето.
Ова е жалната, фрапантна и брутална реалност во Македонија од тендер политиките на Груевски и Тодоров. Никола Тодоров мора да даде оставка веднаш. Тодоров и Груевски ќе одговараат за секоја жртва на системот во здравството, се вели во соопштението од опозициската партија.