Вицепремиерот Бујар Османи, сакајќи да ја претстави едногодишнината од посетата на папата Франциско во Скопје, на својот твитер-профил објави фотографија како се поздравува со папата.
#VCM to honor one year from the official visit of @Pontifex to ??, reaffirming the strong connections, as a historic continuity of sharing mutual values & common goals pic.twitter.com/uU3d6i11Uy
— Bujar Osmani (@Bujar_O) May 7, 2020
И сето тоа беше во ред сè додека твитерџиите не ја пронајдоа оригиналната фотографија, на која се гледа дека Османи всушност не бил сам додека се ракувал со папата.
Очигледно е дека вицепремиерот интервенирал на оригиналната фотографија и ги избришал сите луѓе околу него, за да изгледа дека е всушност сам со папата при ракувањето.
Не треба да бидете аматер за да ја видите лошо направената фотомонтажа на Османи. Фотографијата е сечена нестручно, до тој степен што на главата на вицепремиерот останало неисечено и увото на еден од присутните, па фотографијата станува уште покомична со тоа што на темето на Османи се гледа трето уво.
На социјалните мрежи денеска врие од коментари и исмевања за лошо направената монтажа на Османи и папата.
Се прават нови лошо изработени монтажи од вицепремиерот фотографиран со познати холивудски ѕвезди, а дел од граѓаните повикуваат Османи да се запише на курс за фотошоп, за во иднина да нема вакви лапсуси.