Денеска кандидатот за градоначалник на Центар, Андреј Жерновски се сретна и разговараше за проблемите на граѓаните од населба Крњево.
Тој истакна дека во неговиот 4 годишен мандат сака да изгради убав и искрен однос каде решенијата ќе се носат во согласност со потребите на граѓаните.
Беше дискутирано за новиот урбанистички план во Крњево кој е донесен без никаква консултација со граѓаните кои живеат таму. Жерновски за неговиот против кандидат Тодоровиќ кажа дека 4 години човекот е на власт а сега доаѓа и ветува легализација на дивоградбите, небаре се кандидира за прв мандат.
„Крњево е еден од најдобрите примери за добри меѓуетнички односи. Од кај Тодоровиќ велат: Губиме ама ќе ги купиме гласовите од Крњево. Не смееме да го продадеме гласот па 4 години да патиме. Два дена пред избори доаѓаат ветуваат подземни булевари и легализација на дивоградбите. Каде беа до сега? Понеделник ќе биде почетокот на нашата соработка“, рече Жерновски.
