Колони граѓани од утрово чекаат ред на пунктот на улица Македонија за карти за бесплатен појадок.
Појадокот на мост, кој го организира Град Скопје, годинава ќе се одржи по петти пат во Скопје на 14. септември на Камениот мост и Мостот Око. Место и јадење има само за 2.700 скопјани, но и за 200 туристи кои ќе сакаат да ја посетат манифестацијата.
Како и минатата година, ќе се делат ланч пакети кои ќе содржат по 14 до 15 различни продукти, а гостите ќе ги служат учениците од средното угостителско училиште “Лазар Танев” oд Скопје.
