Тројцата патници во возилото марка „Цитроен“ Ц3 се живи, двајца имаат само полесни телесни повреди, на автомобилот му е уништена предницата, а откинато е парче од железната ограда на мостот.
Ова е билансот на сообраќајната несреќа што ноќеска, во 3.30 часот, се случила на излезот од Велес кога Цитроенот излетал од мостот и паднал во дворот на управната зграда на Македонски железници, јави Дума.мк.
Полицијата направила увид кој треба да покаже како дошло до сообраќајката.
Без повреди поминал 23-годишниот возач Б.С, додека полесно се повредени сопатничките 22 годишните Ј.Ј и И.С.
