Една година по уривањето на дел од надворешниот бедем во близина на главната порта на Калето, надлежните институции немаат преземено никакви мерки за санација. Отстранети се само камењата што го затрупаа патот.
Граѓаните кои често пешачат до познатата тетовска тврдина, велат дека ѕидот долго време бил потпрен на греди, па прашање на време било кога ќе се урне. На еден ваков репрезентативен споменик од минатото, велат, потребна му е многу поголема грижа.
Покрај тоа што ѕидот сè уште не е обновен, запрени се и археолошките ископувања, кои започнаа во 2008. година, но веќе три години се во застој.
