По синоќешниот митинг на „Сојузот за иднината“ во Битола во доцните вечерни часови сите билборди и паноа на “Сојузот за иднината” беа искршени и излепени со постери со црна кампања, што е казниво според Изборниот законик.
Од СДСМ-Битола и вчера реагираа и апелираа до ВМРО-ДПМНЕ да престанат да го кршат Изборниот законик и да не инволвираат малолетни лица во политички активности и поднесоа прекршочни пријави за учесниците во пародијата, кои истовремено уништуваа билборди и рекламен материјал.
Сепак, по вчерашниот митинг на „Сојузот за иднината“ и други ракламни паноа беа уништени низ Битола.
Од СДСМ денес реагираа и до МВР, до ОБСЕ и до Државната изборна комисија, при што ги повикаа надлежните органи да реагираат и да ги спречат ваквите девијантни појави, кои само му штетат на изборниот процес.