Во потполна тишина, сочувствувајќи со болката на луѓето кои загубија најмили во трагедијата во дискотеката „Пулс“ во Кочани, денеска на платото кај кампусот ПМФ во Скопје студентите и вработените на факултетите запалија свеќи, положија цвеќе и оддадоа почит за загубените животи.
Иако УСС УКИМ го откажа денешниот мирен собир во чест на жртвите од Кочани со објаснување дека на кампусот на Природно-математичкиот факултет нема доволно простор за да се соберат сите кои сакаат да дојдат и да оддадат почит, сепак, студентите не ја испочитуваа одлуката на Универзитетското студентско собрание и спонтано се собраа пред ПМФ за да оддадат почит за трагично загинатите.
