Започна протестот во организација на Студентскиот пленум пред Законодавниот дом, каде што треба да се изгласаат измените на Законот за високо образование.
На улицата пред Собранието на Република Македонија, студентите редат транспаренти на кои пишува „Слушнете ја иднината на нашата држава“, „Кого претставувате?“, „Ние не ве гласавме во 03 часот наутро“, „Ако не завршам факултет сакам да бидам министер“.
Седницата на која што треба да се изгласа контроверзниот закон за високо образование е најавена за 11 часот, а е ставена на дневен ред како 34-та, од вкупно 36 точки.
Се уште доаѓаат студенти, професори и граѓани.
Видливо е дека Собранието го обезбедуваат специјалци и силно полициско обезбедување, а прв пат има и лента која што ги одделува демонстрантите од останатиот дел од улицата.
