Генералниот секретар на СДСМ, Оливер Спасовски, денеска оствари средби со своите сограѓани од Куманово.
Спасовски разговараше со граѓаните на градскиот плоштад а посети и повеќе домаќинства од кумановските населби „Вера Которка“ и „Гоце Делчев“.
Во разговорите, Спасовски презентираше дел од мерките во новата програма на СДСМ.
-Еден од клучните столбови е враќањето на средната класа во Република Македонија, она што беше урнисано во изминатите 7 години. Без средна класа, нема напредок. Затоа велиме потребен е нов почеток. Потребен е нов политички концепт кој ќе подразбира власта да им служи на граѓаните а не да владее со нив“ рече Спасовски.
Спасовски рече дека на 27-ми април, граѓаните ќе избираат дали Македонија ќе биде слободна и правична држава, во рацете на народот, или пак ќе остане сопственост на неколкумина кои сакаат да контролираат се.
Тој ги повика своите сограѓани да присуствуваат на вечерашниот граѓански собир во Куманово на кој ќе се обрати и кандидатот за Претседател, Стево Пендаровски, како и лидерот на СДСМ, Зоран Заев.
