Нови 226 автобуски стојалишта почнаа да се поставуваат од денеска, а проектот ќе заврши до крајот јули оваа година.
Првото поставено автобуско стојалиште во општина Кисела Вода денеска го промовираа градоначалникот на Град Скопје Коце Трајановски, директорот на ЈСП-Скопје Мишо Николов и градоначалникот на општина Кисела Вода Билјана Беличанец- Алексиќ.
– Градот Скопје добива модерни и современи автобуски стојалишта со челична конструкција, квалитетна настрешница, клупа за седење, непробојно стакло и информативна табла – рече Трајановски.
Автобуските стојалишта ги финансира Градот Скопје со 66 милиони денари за кои Јавното претпријатие „Скопје“ распиша тендер и плаќањето ќе биде на три години.