По повод 50-годишнината од катастрофалниот земјотрес во Скопје, во просторот меѓу „Кермес“ и Зоолошката градина, се промовира скулптурата „Шатор”, подарок од архитектите за градот Скопје.
Автори на скулптурата се Сергеј Никољски и Милан Мијалковиќ.
Шаторот е симболичен објект. Буди различни чувства и асоцијации, кои настануваат во зависност од контекстот на неговата околина. Поставен во дива природа шаторот станува симбол на слобода. Во поново време тој објект нуди и една поинаква слика.
Онаму каде катастрофите го земаат покривот над глава, нужните живеалишта ја нудат првата помош.