Криво паланчани денеска и приредија топло добредојде на заменик претседателката, Радмила Шекеринска која беше во нивна посета и оствари бројни средби со граѓаните.
Граѓаните со неа ги споделуваа проблемите кои се повеќе им ја отежнуваат и онака тешката живеачка. Велат цел живот работеле, но во староста немаат ниту денар, децата и внуците веќе заминале во странство, а државата не им дава пензија бидејќи немале доволно стаж.
Нашата програма предвидува мерки со кои ќе се подобри животниот стандард на граѓаните. Државната социјална пензија ја предвидовме токму за категоријата на граѓани кои немаат доволно стаж. Државата мора да води грижа за сите нејзини граѓани, тоа е нашата основна цел, рече Шекеринска.
Во секоја куќа, жителите на Конопница ја пречекуваа Шекеринска со широко отворени врати. Таа делејќи им велигденски јајца, им ја презентирашеи Програмата, со која, како што рече, ќе се врати средната класа.
Мора да биде подобро, ние веруваме во вас, коментираа жителите.
Шекеринска беше и во посета на неколку населби низ Крива Паланка, каде ги повика граѓаните да гласаат за промени.
За да биде подобро, мора нешто да промениме. Потребни ни се промени за да ги задржиме младите во Македонија, за да се вреднува трудот на земјоделецот и на работникот, посочи Шекеринска.
Намалувањето на казните за 50 проценти, проектот Македонија без кал, навремени субвенции за сите земјоделци, бенефициран стаж за земјоделци, беа дел од мерките кои денеска ги слушнаа граѓаните на Крива Паланка.
