Денеска во Куманово се одржа протестен средношколски од од гимназијата „Гоце Делчев“ до подрачната канцеларија на Државниот инспекторат во Куманово. Таму средношколците со говори ги потсетија надлежните дека доколку не отпочнат дијалог, протестите и оваа учебна година ќе продолжат.
Средношколците бараат изменување на екстерното тестирање и моделот на државна матура да остане ист за оние средношколци кои се моментално ученици во средното образование, а новите модели да важат за учениците кои допрва треба да се запишат во средните училишта. Притоа, Средношколскиот Пленум да учествува во моделирање на новите начини на тестирање.
Маршот во Куманово е продолжение на притисок кон надлежните, откако на вчера во Скопје, средношколците на првиот протестен марш за оваа година истакнаа дека притисоците кон МОН ќе продолжат. Од Пленумот порачаа дека не ја исклучуваат можноста од бојкот на наставата, повторно кампување пред МОН како и други форми на притисок, сè додека не се исполнат нивните барања.
