Традиционалните илинденски одбележувања по повод двојниот национален празник на Република Македонија и годинава намамија голем дел од граѓаните од државата на продолжена викенд-посета на Дојранското Eзеро.
Уште од утринава река од возила се упатија кон најјужното турисичко место во државата со цел посетителите од повеќе општини и населени места од државата овде да го одбележат двојниот Илинден, кој со посета на плажа, кој со гурманска скара, а поголемиот дел од младата популација и поради вечерашните концерти во Дојран: на стадионот во Нов Дојран настап на балканската музичка ѕвезда Жељко Јоксимовиќ и концертот „Аларм“ на Стара Мрдаја со учество на македонски музички групи „Љубојна“, „Фолтин“ и други.
Големиот ден Илинден пред 110 години значаше почеток на Илинденското востание, а пред 69 години беше денот кога е втемелена македонската државност на Второто заседание на АСНОМ.
Револуционерната раздвиженост по повод настаните во тоа време била прикриена со празнувањата на големиот верски празник Илинден.
“640” height=”480″ class=”aligncenter size-full wp-image-187442″ />
Токму поради спрегата на историските настани со верскиот празник Илинден и ден-денеска не се заборава посетата на духовните храмови низ државата, па така и во Дојран.
Со свечена литургија на отец Наум, денеска во Дојран беа одбележани илинденските празнувања, а голем број граѓани во текот на денот ги посетија духовните храмови: возобновената црква од 18-от век „Св. Илија“ во Стар Дојран, манастирот „Марија Магдалена“ и црквата „Св. Ѓеорги Великомаченик“ во Нов Дојран.
А.Д.