Помеѓу споменикот „Воин на коњ“ и Порта „Македонија“ почна поставувањето на белата новогодишна елка на која во 18 часот и официјално ќе бидат вклучени светилките.
Осумнаесетметарската елка, чии делови минувачите можеа да ги забележат пред „Сити галери“, е дел од свечените решенија на Градот за традиционално декорирање за време на новогодишните празници.
Во екот на „најлудата ноќ“ соодветно ќе бидат украсени просторот меѓу плоштадите „Македонија“ и „Пела“, плоштадот „Филип Втори“, пред црквата „Св. Димитрија“, булеварот „Илинден“ до раскрсницата со „Френклин Рузвелт“, просторот пред Владата, улицата „Даме Груев, „Партизанска“, платото пред Универзална сала, Старата чаршија пред националната галерија „Чифте-амам“… Според најавите, бидејќи централниот плоштад се’ уште претставува градилиште, главната прослава ќе се одржи на плоштадот „Пела“.
