Денеска почна да се оградува земјиштето помеѓу Собрание и Домот на АРМ, на која треба да се издигне катна гаража и мали комерцијално-деловни единици.
Огласот за продажба на градежното земјиште кое се наоѓа на територијата на Општина Центар, Министерството за транспорт и врски го распиша на почетокот од јануари оваа година. Продажбата се вршеше по пат на јавно надавање, а почетната цена изнесуваше 1.850 денари од метар квадратен. Станува збор за површина од 2.455 метри квадратни.
Првично паркингот требаше да го гради компанијата „Макоил“ на бизнисменот и сопственик на синџирот бензиски пумпи, Мите Јовановски, која претходно ги најави проектите за изградба на две катни гаражи кај зградата на МЕПСО во непосредна близина на плоштад „Македонија“ и кај Веро Центар. Но, фирмата го изгуби правото на долготраен закуп на земјиштето што и беше доделено за период од 20 години.
ФОТО: Плусинфо
