Објавени се фотографии од 36-годишниот Игор, кој претпладнево околу 11 часот, не пречекорувајќи ја влезната врата на станот на неговата познаничка во населбата Аеродром, ги уби 34-годишната Наташа и нејзината сестра, а потоа се самоуби.
Според досега утврденото, 36 годишниот Игор претпладнево околу 11 часот дошол во станот на 34 годишната Наташа, со која од порано се познавал. Вратата ја отворила нејзината сестра, 31-годишната Билјана, а убиецот ѝ рекол да не се помрднува. Тогаш притрчала Наташа, која ги пакувала куферите за семејниот одмор, по што почнале да се расправаат. Тоа траело кратко, по што се слушнале истрели.
Во тоа време во станот биле двете деца на Наташа – на возраст од 7 и 10 години. Тие воопшто не го познавале човекот кој ги уби нивната мајка и нејзината сестра.
Игор не влегол во станот – пукал од влезната врата на станот на петтиот кат на зградата број 44, ги убил двете сестри а потоа се самоубил. Пиштолот веројатно го поседувал со дозвола, а во 2004 година бил пријавен за загрозување со опасно оружје при тепачка.
