При ископ за два станбени објекта на Водно, на улицата Славејко Арсов, се изронила голема маса земја со карпести камења, но паднла и дел од улицата над плацот.
При копањето, работниците предизвикале хаварија на водоводната цевка, која опслужува дел од оваа населба, но и на Црниче, пишува „Дневник“.
Поради тоа, патот кој ги поврзува општините Центар и Кисела Вода, е затворен за движење.
Нервозни жители од околните згради за весникот изјавиле дека дошла полиција и ставила знаци за забрането движење на неодредено време, а од одроните многу станови и куќи останале без вода, телефон, интернет, затоа што во дупката виселе скинати телефонски и оптички кабли.