Пиштол скриен во векна леб откриле српските цариници на граничниот премин „Прешево“ („Табановце“) во автобус со македонски таблички кој сообраќал на релација Струга – Виена, јави српскиот весник „Ало“.
Како што соопшти Царинската управа на Србија, пиштолот бил со иструган сериски број, а бил најден со помош на мобилен скенер. Сопственикот на пиштолот е македонски државјанин, кој мислел дека ќе го скрие оружјето ставајќи го во леб, кој потоа го ставил во кеса, која ја оставил на сталажата за ситен багаж во редот зад совозачот.
Пиштолот „Екол Џакал Дуал П.А. К“ бил со калибар 9 милиметри.