Скопјани веќе можат во кочија со коњи да го разгледуваат градот. Кочијата е како што се бараше во набаката-кочија од старите филмови, со подвижен црн покрив од водоотпорна кожа. Внатре како што се инсистираше е обложена со црвено кадифе, со две дрвени врати.
Пајтонот служи за туристички прошетки, за разгледување на Скопје и за свечени пригоди при што може да се изнајми. Со него ќе стопанисува ЈП „Паркови и зеленило“.
Идејата за кочијата со коњи е на градските власти, а проектот го помогнаа со 40 илјади евра. Екипа од „Паркови и зеленило“, заедно со професори од Земјоделски факултет претходно беа во неколку соседни земји по набавка на коњи од одгледувачници.