По невремето со силен ветер и обилни врнежи од дожд што го зафати Скопје вчера во попладневните часови, екипите на Градот Скопје, на јавните претпријатија „Водовод и канализација“, „Паркови и зеленило“, „Комунална хигиена“, „Улици и патишта“ и на Противпожарната бригада веднаш излегоа на терен и ги санираа штетите, соопшти Градот Скопје.
Се интервенирало на подзвозникот кај стоковната куќа „Мост“, на булеварот Александар Македонски, на клучката кај хотелот „Континентал“, на булеварот Србија, на подвозникот на улицата Павел Шатев, во делови од општината Кисела Вода, на подвозникот на булеварот Киро Глигоров, на булеварот Гоце Делчев кај зградата на МРТВ, на улицата Финска во Маџари и во населбата Автокоманда.
Градоначалникот на Скопје излезе на терен да изврси увид од штетите кои ги предизвика невремето.
