Шест лица се повредени, една старица го загуби животот, две куќи се игорени и шивачка работилница во голем пожар што се случи синоќа во Велес.
Во месноста Дворови на улица „Ѓоре Органџиев“ во Велес ноќеска околу 12,30 часот избил голем пожар во куќата на семејствто Бошкови.
Со пожарот потоа била зафатена уште една куќа, како и шивачката работилница на Рашето, во која целосно изгорела опремата и репроматеријалите. Во едната од куќите животот во пожарот го изгубила постара жена.
При интервенцијата еден од пожарникарите, од експлозија на боца со плин е повреден и пренесен во болница.
При интервенција возачот на Итната помош, кој бил службено таму, се лизнал на водата која подмрзнала од ниската температура и има скршеница на ногата.
– Шест лица биле примени во велешката болница, од нив четворица се пуштени дома по укажаната помош, а двајца со помали изгореници се се уште во болницата, инфомира потпаролот Силвана Мишкова.
Фото: Дума.мк