Екипите на Град Скопје и на ЈП „Улици и патишта“ деновиве завршија со чистење на коритото на реката Вардар, што се реализира во согласност со Програмата за одржување на коритото на реката Вардар, реката Лепенец и отворените канали на подрачјето на град Скопје.
Извршено е рачно чистење на нискостеблестата вегетација на косините од двете страни на минор коритото на локација од мостот кај „Холидеј Ин“, кај мостот „Мајка Тереза“ кај МАНУ, кај мостот кај Железничка станица, кај мостот „Тодор Александров“ до објектите на „Комунална хигиена“ (стационарот за кучиња) кај Вардариште од левата страна, односно до објектите на Фудбалска федерација на Македонија од десната страна.
Исчистена е должина од 5.000 метри од двете страни на коритото или вкупно 30.000 квадратни метри.
Машинско чистење на наноси од земја, комунален отпад и вегетација е извршено во минор коритото на реката Вардар на локација од мостот „Тодор Александров“ до објектите на „Комунална хигиена“ (стационарот за кучиња) кај Вардариште од левата страна и до објектите на Фудбалска федерација на Македонија од десната страна.
Вкупно машински се исчистени 1.150 метри од двете страни на коритото, при што се извадени околу 9.000 кубни метри отпаден материјал.