„За вас можеби е малку, но за нив ќе значи многу. Бидете хумани кога на другите им е потребно“, под ова мото денеска општинската организација на СДСМ Центар, организираше хуманитарна акција за собирање помош за жителите на настраданите подрачја од поплавите што ја зафатија Македонија.
Граѓаните донираа храна, вода, средства за хигиена, тоалетна хартија, постелнини, ќебиња.
Советниците од Општина Центар од редовите на СДСМ активно се вклучија во помошта за настраданите лица од поплавите.
Собраната хуманитарна помош, како што соопштија од ОО СДСМ Центар веднаш ќе биде транспортирана низ настраданите подрачја од поплавите.
Како што вели претседателот на општинската организација СДСМ Центар, Саша Богдановиќ, вакви хуманитарни акции редовно ќе продолжат да се организираат и во иднина за да се помогне на секој кого му е потребна помош.
