Форумот на жени на СДСМ, во соработка со Црвен Крст, по повод новогодишните и божиќните празници, денеска ја спроведе традиционалната хуманитарна акција „Дарувај од срце“.
На ист ден, во исто време, во градовите на нашата држава, жените членки и симпатизерки на СДСМ донираа топла облека, обувки и прекривки кои понатаму Црвен Крст ги дистрибуира до граѓаните на кои таквата помош им е најпотребна.
Во оваа хуманитарна акција се вклучија локалните форуми на жени на СДСМ од Битола, Охрид, Прилеп, Куманово, Штип, Кичево, Струмица, Гостивар и останати градови, додека централниот настан се случи во центарот на Скопје, во Жена парк.
Точно на пладне, членките на СДСМ се упатија кон Црвен Крст, каде ги доставија донациите во просториите.
Оваа хуманитарна акција се одржува четврта година по ред.
