Фановите на Тоше вечерва по петти пат се собраа на градскиот плоштад, да искажат почит, да се сетат на најдоброто нешто што и се случило на македонската музика преку „ѕвезденото небо на Тоше“.
Сакаме да му ја исполниме желбата, секоја година да не има се повеќе на негов концерт.
Судбината не ни го овозможи тоа. Затоа со мал пламен правиме ѕвездено небо, кое се надеваме дека го гледа од таму, горе, соопшти фан-клубот на Тоше..
Ѕвезденото небо се одржува секоја година на 5 октомври во сеќавање на последниот концерт на најголемата македонска музичка ѕвезда, одржан на 5 октомври 2007 година на Градскиот стадион во Скопје. Оваа година е поместен за ден подоцна зашто в сабота во центарот на Скопје ќе се одржува манифестацијата „Бела ноќ“.
ФОТО: Курир