Општина Аеродром се откажаа од доизградбата на детската улица „Тоше Проески“.
Пешачката улица од Ново Лисиче требаше да продолжи и кон Аеродром, односно преку булеварот „Србија“, во должина од 250 метри.
Граѓаните, како што веќе објави А1он, жестоко реагираа. Постигнат е договор со општинските власти улицата само да се реконструира, ќе бидат поставени гранитни плочки, ново осветление и жардиниери.
Но, штетата сепак е веќе направена. Како што можете да видите од фотографиите на А1он, исечени се дрвјата и уништено е зеленилото.
Од Општината ветуваат дека на нивно место ќе засадат нови садници и зеленило.