Eксдиректорот на Бирото за јавна безбедност, Митко Чавков и обвинетите за крвавиот четврток, беа пречекани со зурли и тапани пред кривичниот суд.
Во судот пристигнаа Игор Дурловски, Јохан Тарчуловски, Богдан Илиевски, Борис Дамовски, Крсто Мукоски и другите обвинети.
Од сканидрањата може да се чуе „Уа предавници, уа бандити“, а една од присутните пред судот држи лист на кој е испишана пораката: „Македонските патриоти ги овинува обвинител учесник во шарената револуција – Вилма Русковска (шарена обвинителка). Изземање и оставка!“
На обвинителна клупа за терористичко загрозување на уставниот поредок и безбедноста, освен Чавков, ќе седнат и петте пратеници на ВМРО-ДПМНЕ: Крсто Мукоски, Љубен Аранудов, Јохан Тарчуловски, Сашо Василевски и Љупчо Димовски. Вкупно обвинети за крвавиот четврток во Собранието се 30 лица.
Предметот ќе го води судијката Добрила Кацарска, која го осуди експремиерот Никола Груевски на казна затвор од 2 години за набавката на екстралуксузниот „мерцедес“.
Судијката закажа вкупно 38 рочишта, од кои 5 во август, 6 во септември, 10 во октомври и 17 во ноември.
Васко Маглешов