Возач е повреден кога со возилото излетал во одводен канал. Според полицијата, несреќата се случила вчера на локалниот пат меѓу селата Браилово – Долнени, општина Долнени, кај железничката станица „Браилово“.
Возилото „форд галакси“, без регистарски ознаки, управувано од Д. В. (45) од село Сенокос, Прилепско, изгубило контрола и излетало во одводниот канал. Д. В. добил тешки телесни повреди и бил пренесен во болницата во Прилеп, каде што му била укажана лекарска помош. Увид извршила екипа од Полициската станица Прилеп.