Фонтаните кои се на територијата на општина Центар ќе бидат превентивно конзервирани од 05.11.2012 година, односно ќе бидат ставени во мирување во зимскиот период.
Станува збор за фонтаната на Плоштад Македонија, фонтаната во парк Жена Борец и двете фонтани во река Вардар.
Фонтаната на Плоштад Македонија ќе биде покриена со заштитна покривка, за целосна заштита на системот за водни ефекти и мозаикот на фонтаната од ниските температури.
Ваквиот начин на заштитување е вообичаена практика кога станува збор за конзервирање на големите фонтани и се применувала во сите метрополи.
Фонтаните ќе продолжат со работа напролет, веднаш штом тоа ќе го дозволат временските услови.