Владата на Франција, денеска преку Амбасадата во Македонија ќе го предаде комплетниот документ во којшто е содржана физибилити студијата за изградба на пречистителна станица за отпадни води за Град Скопје. Документот ги содржи најдобрите можни опции за развој на проект од таков тип, од технолошки, еколошки и финансиски аспект.
Презентацијата ќе ја направат француските консултанти од групацијата ЕЖИС, во присуство на претставници на Делегацијата на Европската Унија во Скопје и потенцијалните финансиски донатори (Европската банка за обнова и развој, Европската инвестициска банка, Светска банка), како и на вклучените македонски институции Град Скопје, Министерството за животна средина и просторно планирање, Секретаријатот за европски прашања, Министерството за економија, ЈП Водовод и канализација…
Изработката на студијата за влијанието врз животната средина и анализата на параметрите цена – корист на понудените опции е дел од билатералната политика на Франција за соработка со Македонија, и изнесува 700.000 евра.
Документот ќе го предаде амбасадорот амбасадорот на Франција Кристиан Тимоние на претставниците на Град Скопје и на Министерството за животна средина и просторно планирање.
