Владата на 171-та седница ја разгледа Информацијата за проблемите и потребите на техничките факултети на државните универзитети и утврдија препораки за поддршка на одржувањето континуитет на професорскиот и асистентскиот кадар со предлог за финансиска поддршка на научните проекти кои би се развивале во соработка со индустријата.
Како што соопшти владината прес-служба, оваа информација ја презентираше вицепремиерот за економски прашања Кочо Анѓушев кој на седницата ја образложи и информацијата за дуално образование со предлог-концепт за апликација во образовниот систем.