Сега од Македонија зависи дали на Самитот на ЕУ во јуни ќе добие датум за преговори за членство во Унијата. Ова во денешното интервју за Радио Слободна Европа го изјави еврокомесарот за проширување Штефан Филе.
– Многу се надевам дека актуелниот предлог на господин Нимиц, кој е претставник на генералниот секретар на ОН во процесот кој го води Светската организација, ќе донесе некакви резултати во овој краток период, истакнува Филе.
Во врска со договорот од 1 март, тој изразува загриженост дека тој договор се уште не е целосно имплементиран. – Клучен елемент, додава, е Комисијата која треба да го истражи настанот. И кога тоа сè уште го нема, се прашувам себе си што тоа говори за силата на демократските институции во таа земја.