Министерот за локална самоуправа Сухејл Фазлиу денеска, по заедничката седница на Владата на Република Македонија и на Владата на Република Бугарија во Струмица, на покана на бугарскиот колега, министерот за регионален развој и јавни работи Николај Нанков, ќе присуствува на церемонијата на пуштањето во употреба на реконструираниот пат III-1084 “III-108-Старчево-Крналово-Први Мај”, во Република Бугарија.
Како што соопшти Министерството за локална самоуправа, реконструираниот пат на бугарска страна е од значење за жителите од двете страни на границата зашто ја олеснува комуникацијата до граничниот премин меѓу Република Бугарија и Република Македонија, Златарево – Ново Село.