Вчера околу 12 часот на улицата „Маршал Тито“ во Тетово, полициски службеници на СВР Тетово ги лишиле од слобода 46-годишните А.М. и Е.Ч., двајцата од Република Косово, извести од МВР.
– Тие се сомничат дека непосредно пред тоа одзеле пари од Р.С.(71) од тетовски Пирок. Двајцата биле задржани во Полициската станица Тетово, а парите биле пронајдени кај нив, одземени и ќе бидат вратени на сопственикот, соопшти МВР.
Со соодветен поднесок денеска ќе бидат изведени пред судија во претходна постапка на Основниот суд Тетово.