Фаница Николовска: СДСМ гради модерни и развиени општини, ВМРО-ДПМНЕ знае само да блокира

Од:

СДСМ и Владата покажаа дека подеднакво се грижат за сите граѓани коишто живеат во Република Северна Македонија, истакна пратеничката на СДСМ Фаница Николовска на граѓанската трибина на СДСМ „Најдоброто за нашата општина“ во Гостивар.
 
СДСМ е партија што се модернизира и менува, рече Николовска, додавајќи дека СДСМ продолжува со средби со граѓаните, на кои даваме отчет за сработеното во изминатите 4 години и заеднички ја креираме Програмата за локалните избори, заедно се договораме за најдоброто за нашата општина, најдоброто за Гостивар.

Николовска истакна дека СДСМ го реализира она што е најдобро за општините, 51% од пријавените долгови на општините беа покриени од Владата се со цел да обезбеди финансиска ликвидност на општините, да можат навремено да ги исполнуваат доспеаните обврскии да бидат конкурентни за реализација на проекти.

Во тежок период, во услови на пандемија каква што светот не памети и докажавме дека државата има капацитет да се справува и со непредвидени проблеми, креиравме шест пакети на економски мерки за поддршка на граѓаните и стопанството, на оние коишто беа најпогодени од корона кризата, истакна Николовска.

Таа нагласи дека пред пандемијата ја зголемивме социјалната помош, ги зголемивме миниалната и просечната плата, изградивме и реконструиравме училишта, градинки и центри за ран детски развој, преку 70 милиони евра се вложени во изградба и реконструкција на локални и регионални патишта.

Најголема инвестиција на ВМРО-ДПМНЕ за време на режимот беа споменици, палми, жални врби и секако реконструкција на Белиот дворец, со како што самите велат велелепни лустери, удобни столчиња, махагони астали, нагласи Николовска, додавајќи дека ВМРО-ДПМНЕ, раководено од бегалецот во Будимпешта единствено се грижи за сопствениот интерес и интересот на мала група на луѓе.

Тоа е партија која ги блокира најважните законски решенија кои се во интерес на граѓаните Законот за служба во армијата, Законот за наставници и стручни соработници, Законот за изградба на нов модерен Клинички центар, која замислете ги блокираше и законите за реализација на пакетите мерки за помош на граѓаните во услови на ковид криза, подвлече Николовска.

Од вас граѓаните зависи каква локална власт ќе имаме, со СДСМ сме на вистинскиот пат, градиме модерна, просперитетна држава, модерни и развиени општини во кои младите сакаат да живеат, порача пратеничката на СДСМ Фаница Николовска на граѓанската трибина на СДСМ „Најдоброто за нашата општина“ во Гостивар.

Би можело да ве интересира

Филипче: Мицкоски да одговори зошто со законски измени се брише одредбата за уплата на 6% во вториот столб?

Бројките се немилосрдни и ги демантираат СДС, ДЗС вчера објави дека реалната нето-плата во септември пораснала за над 5%

СДСМ: Крпен живот, кошничката се доближи до 71.000 денари – само за храна се потребни 26.000 денари

ВМРО-ДПМНЕ: Филипче и СДС продолжуваат со лагите и манипулациите за Алта банка, овој пат јавната аукција сакаат да ја претстават како тајна зделка

(ВИДЕО) СДСМ со амандмани бара 2.500 денари повеќе месечно за студентски оброк и стипендии од 8.000 денари

СДСМ: 51 милион евра не се префрлени во вториот пензиски столб – кривична одговорност треба да започне од Мемов