Од денеска медиумскиот простор во државата е збогатен со нов веб портал, Faktor.mk, чие појавување се очекува да ја пополни медиумската празнина во делот на информациите кои се поврзани со бизнисот и економијата.
Новиот портал низ поинаков приказ на вести, анализи, интервјуа, секојдневно ќе придонесува за оживување на дебатата за економските текови во кои се наоѓа Македонија, како основа за подобрување на економскиот, но и на политичкиот амбиент во земјата.
Основачи на Фактор.мк се поранешниот новинар, актуелен универзитетски професор д-р Крсте Шајноски и Алек Манев финансиски аналитичар и инвестициски советник, со долгогодишно искуство во економските збиднувања на земјата.
Дел од екипата ќе бидат познати новинарски имиња кои ја следат оваа проблематика, а во екипата колумнисти се вбројуваат редица авторитети, професори, бизнисмени, политичари, аналитичари .