Граничниот премин „Евзони“ денеска повторно ќе биде затворен за сите видови на возила поради штрајкот на грчките земјоделци.
Како што информира Авто мото сојузот на Македонија, граничниот премин ќе биде затворен од 10 до 14 часот и од 18 до 22 часот.
Во овој период нема да биде можен ниту влез, ниту излез кон Грција преку овој премин.
Надлежните апелираат граѓаните да избегнуваат патување во наведените интервали и да користат алтернативни гранични премини.
На граничниот премин „Дојран“ времето на чекање за излез од земјава е 30 минути, а на „Табановце“ 40 минути, соопшти Авто мото сојузот на Македонија.
На останатите гранични премини од македонска страна нема подолги задржувања за влез и излез од земјава.