Евангелско Протестантска Иницијатива (ЕПИ), асоцијација на евангелско-протестантски цркви во Република Македонија бара јавна дебата за т.н. Истанбулска конвенција, затоа што, како што оценуваат, некои нејзини делови се контроверзни и во спротивност со меѓународните конвенции за човекови права.
ЕПИ, како што посочуваат оттаму, изразува целосна и недвосмислена поддршка на клучниот сегмент на Истанбулската Конвенција – осудата на и борбата против сите форми на насилство и дискриминација врз жената. Но, сметаат, таа не би требало да влезе во собраниска процедура без консултација со експертската и пошироката македонска јавност.