Евакуирани се седум лица меѓу кои и две деца од зградата во која попладнево избувна пожар во Кисела Вода, кај салата Расадник. Пет противпожарни екипи го локализираа и го изгаснаа пожарот, а спасувачката акција е во тек.
Пожарот околу два часа го гаснеа 25 пожарникари со 10 возила од Територијалната противпожарна единица на Град Скопје, а на терен беа и екипите на полицијата
Станот во кој избил пожарот бил празен. Засега не се познати причините за пожарот.
