Алмир Дрпљанин, кој во 2010 година уби полицаец денеска од Косово, од затворот Дубрава, беше екстрадиран во Македонија и пренесен во затворот во Штип.
Во 2010 година тој беше осуден во отсуство на доживотен затвор, поради убиството на припадникот на Алфите Африм Арифи пред Природно-математичкиот факултет.
Дрпљанин беше осомничен и за грабежот на Про- кредит банка во центарот на Скопје и за ограбувањето на возила од Комерцијална банка.
Дрпљанин, според полициски извори учествувал во грабежот на возило на Македонски пошти во скопската населба Чаир, во март 2008, во кое се пренесуваа милион евра наменети за исплата на пензии.