Вчера пиротехничарите од Дирекцијата за заштита и спасување имале полни раце работа. Прво во Кавадарци, кога околу 10 часот, во двор на куќа на ул.„Ѓоре Брушански“ пронајдени се 500 гр индустриски експлозив, амонал и 19 каписли. Веднаш било пријавено во полиција.
Само 15 минути подоцна, во Ресен, во кругот на АД-Алгрета каде што се вршеле ископување на земја со багер пронајдена е неексплодирана граната од Втората Светска Војна.
Синоќа пак, околу 21,00 часот во двор во Битола, при изведување на градежни работи, сопственикот пронашол уште една артилериска граната, но овојпат од Првата Светска Војна.
Експлозивот од Кавадарци е однесен на вештачење во МВР, додека гранатите успешно се отстранети од пиротехничари на Дирекцијата за заштита и спасување.