Правната експертска јавност е шокирана од веста за „чистката“ во Кривичниот суд.Вршителот на должност претседател на Основниот суд Скопје 1 Татјана Михајлова, донела нов годишен распоред на судии, според кој, судии, кои досега работеа на кривични предмети, се прераспоредени во одделот за прекршоци.
Како што коментира јавноста ова е со цел предметите на СЈО да не паднат в раце кај „непослушни” судии.
Експерти посочуваат дека Михајова е в.д. претседател, значи лице кое треба само да ја премости состојбата до избор на нов претседател со сите надлежности.
„Таа врз основа на поднесена програма не е назначена за вршител на должноста, и затоа не смее да врши ваков „упад“ во работата на судот“, велат правни експерти за А1ОН.
Посочуваат на одговорот од скопскиот Кривичен суд дека распоредот и преместувањата се право на претседателот на судот. Велат и од судот потврдуваат дека тоа може да го прави само претседател, а не и лице кое е привремен вршител на должност.
Шокирани се и одлуката на в.д. претседателката на Врховниот суд Снежана Бајлозова која исто направи нов годишен распоред на судии, според кој, таа, иако е избрана како граѓански судија во Врховниот суд, се распоредила во најважниот, Кривичниот совет на местото на , експретседателката Лидија Неделкова. Бајлозова ќе биде претседател на Кривичниот совет, а Неделкова е прераспределена како член во одделот за судење во разумен рок.
Инаку, Скопскиот суд 1 е надлежен за процесирање на случаите на Специјалното јавно обвинителство, а за барањата за заштита на законитоста на постапките во врска со истрагите што ги води СЈО, ќе одлучува Врховниот суд.