Градоначалникот на oпштина Гази Баба, Борис Георгиевски заедно со Нула отпад, започнува голема акција за собирање на отпадна електрична и електронска опрема од домаќинствата и компаниите на територија на општината.
За таа цел, денеска на паркингот позади пазарот во Автокоманда, улица Лазар Поп Трајков, ќе биде поставена ЕКО ЗОНА каде граѓаните ќе можат да ја оставаат отпадната електрична и електронска опрема.
Покрај оваа ЕКО ЗОНА, активна ќе биде и ЕКО телефонска линија од страна на Нула отпад 070 236 000 на која граѓаните ќе може телефонски да пријавуваат отпадна електронска опрема, која подоцна службите на општината заедно со Нула отпад би ја певземале од нивните домови.