Четириесет и шест годишен охриѓанец го загуби животот во сообраќајна незгода што утрово се случила на регионалниот пат Битола – Охрид во близина на Лева река.
Портпаролот на СВР Битола Сања Стаматова информира дека возачот Наум П. роден 1970 година починал на местото.
– Околу 5 часот и 30 минути пријавено е дека автомобил марка „Ауди А3“ со охридски регистарски ознаки излетало од патот. Во возилото било едно лице кај кое е констатирана смрт, изјави Стаматова.
Полициска екипа од СВР Битола и Јавен обвинител направиле увид, а истрагата ќе ги покаже причините за незгодата.
