Синоќа околу 01:00 часот на автопат Велес-Куманово кај клучка Миладиновци се случи сообраќајна незгода при што патничко возило „Матиз“ со кумановски регистерски ознаки се превртело.
Со тешки телесни повреди се здобил сопатникот Душко Р. (61) од Крива Паланка и истиот бил пренесен во ГОБ „Св. Наум Охридски“ каде околу 01:50 часот им подлегнал на повредите, додека со телесни повреди се здобиле возачот Б.Н. (59) и сопатничката С.Р. (58) и истите биле пренесени во Ургентен Центар и ГОБ„Св.Наум Охридски“ за укажување на лекарска помош.
Од страна на СВР-Скопје излезено е на местото на настанот и извршен е увид. Се работи на целосно расчистување на случајот.