Едно лице се здобило со повреди од убод од остар предмет и од огнено оружје синоќа во расправија што се случила во возило на улицата „Џон Кенеди“ во Скопје.
Полицијата соопшти дека синоќа околу 21:50 часот на ул.„Џон Кенеди“, 32-годишен маж од Скопје пријавил дека по претходен договор се сретнал со двајца негови познаници, во врска со давање на пари.
По кратко време, настанала расправија и едниот од пријавените му нанел убодна рана со остар предмет, а потоа и пукал кон него во левата подлактица. На оштетениот му е укажана помош во ГОБ „Св.Наум Охридски“.
Полицијата работи на целосно расчистување на случајот.