Едно лице го загуби животот во тешката сообраќајна несреќа која што се случи попладнево на магистралниот пат Кичево – Охрид. Како што изјавија за „А1он“ од охридската полиција, несреќата се случила околу 14 часот, кај селото Добреноец.
„Едно лице го загуби животот. Во незгодата учествувале две возила со кичевски ознаки, едното е „фолваген пасат“, а другото е „сузуки марути“. Има и повредени патници, но засега нема информација за колку лица станува збор“, вели портпаролот на охридската полиција, Стефан Димоски.
Во моментов се врши увид предводен од јавен обвинител и полициски екипи. Има застој во сообраќајот во двата правци.
